Një person është gjetur pa shenja jete të martën e 24 janarit në Kamenicë.
Në raportin 24-orësh të Policisë së Kosovës thuhet se në vendin e ngjarjes është gjetur një pushkë.
Vdekjen e viktimës e ka konstatuar ekipi mjekësor dhe trupi i pajetë është dërguar për obduksion në Institutin e Mjekësisë Ligjore.
Këtë rast policia e ka cilësuar si “vdekje e dyshimtë”.
“Ankuesi mashkull kosovar ka raportuar se viktima mashkull kosovar është gjetur pa shenja jete. Në vendin e ngjarjes është gjetur dhe konfiskuar një pushkë automatike AK-47, ndërsa ekipi mjekësor ka konstatuar vdekjen e viktimës. Me vendim të prokurorit trupi i pa jetë dërgohet në IML për obduksion”, thuhet në raport.
Ndryshe, brenda 24 orëve të fundit, në Kosovë janë arrestuar 29 persona ndërsa 17 janë dërguar në mbajtje.