Është 36 vjeçar, por, detyrën e tij po e kryen ende për mrekulli.
Luis Suarez është duke shkëlqyer me skuadrën e Gremios, në Brazil.
Sulmuesi uruguaian ka shënuar pesë gola në tre ndeshjet e para duke treguar se ka ende shumë të ofrojë në fushën e gjelbër.
Në debutim shënoi tregolësh, në ndeshjen e dytë shënoi një herë, kurse të takimin e tretë e realizoi golin e fitores.
Suarez, paraprakisht ishte pjesë e skuadrës së tij të fëmijërisë, Nacional me të cilën e fitoi titullin e kampionit në Uruguai.
“El Pistolero” ka një karrierë të bujshme, pasi ndër të tjera e ka fituar Kupën e Amerikës, Ligën e Kampionëve dhe dy Këpuca të Arta.