Fakti që Federata e Futbollit të Kosovës nuk është licencuar ende, po i sjell dëme financiare FC Prishtinës.
Kështu ka deklaruar drejtori i kësaj skuadre, Artan Osmani në emisionin “Dueli Sportiv” në RTV Dukagjini.
“Unë nuk po mundem ta realizoj të drejtën time te licencimit. Unë i kam 280 mijë euro minus prej fundit të dhjetorit deri më tani”, tha ai fillimisht.
Teksa, shtoi se “ne i kemi pas mbi 600 mijë euro sponsorizim deri në muajin dhjetor”.
“Unë nuk po mundem ta realizoj të drejtën time, s’po mundem t’i paguaj njerëzit. A është i pranueshëm Agim Ademi, a e kanë votuar 50 apo 60 është pak e rëndësishme për mua. Praktikisht, nuk e di si do ta zhvillojmë lojën me katër shkurt nëse i zbatojmë rekomandimet e MKRS-së, që thotë nuk keni të drejtë t’i përdorni objektet e komunës për aktivitete sportive, nuk është ndihma e policisë”
“Dueli Sportiv” do të vazhdojë çdo të diele, me fillim nga ora 22-00.
Përveç diskutimeve për futbollin vendor, në vazhdim do të ketë edhe shumë gjëra tjera nga bota e sportit.