Sirenat e sulmit ajror janë dëgjuar mëngjesin e së premtes në Kiev dhe në gjithë Ukrainën, pak para nisjes së samitit Bashkim Evropian-Ukrainë që pritet të mbahet gjatë ditës.
Sirenat u lëshuan derisa Ukraina po përgatitet për pritje të liderëve të lartë nga blloku, ndërkaq Ukraina po përpiqet të bashkohet me BE-në, shkruan BBC.
Mediat ndërkombëtare bëjnë të ditur se afër orës 11:00 në Kiev ka arritur shefi i Bashkimit Evropian, Charles Michel.
Michel ka njoftuar edhe vetë përmes një postimi në Twitter, ku ka shprehur mbështetjen e tij për Ukrainën në rrugëtimin drejt Bashkimit Evropian.
Back in Kyiv for the EU-#Ukraine Summit with @ZelenskyyUa @vonderleyen and @JosepBorrellF
There will be no let up in our resolve.
We will also support you every step of the way on your journey to the EU. pic.twitter.com/3fnmajrtAZ
— Charles Michel (@CharlesMichel) February 3, 2023
“Ne gjithashtu do t’ju mbështesim në çdo hap të rrugës në rrugëtimin tuaj drejt BE”, ka shkruar ai.
Ndryshe, së fundi ka reaguar edhe ministri i Mbrojtjes i Ukrainës, Oleksii Reznikov, i cili ka thënë se Moska ka mobilizuar rreth 500 mijë trupa për ofensivën të cilën Rusia po përgatitet ta fillojë më 24 shkurt.
Ndërkaq, presidentja e Komisionit Evropian, Ursula von der Leyen, ka mbërritur në Kiev të enjten, pas një udhëtimi me tren.
Kësisoj, për të premten është paralajmëruar samiti Ukrainë- BE, ku udhëheqësit e Bashkimit Evropian pritet të takojnë presidentin ukrainas Volodymyr Zelensky dhe thuhet se do të diskutojnë për sanksione të reja kundër Rusisë.