Nën organizimi e ministrit të Mbrotjes së Kosovës, Armend Mehaj, këtë të premte pritej të mbahej një takim me ministrat e Mbrojtjes së Shqipërisë, Maqedonisë së Veriut dhe Malit të Zi.
Por, kjo Ministri ka njoftuar mëngjesin e së premtes se takimi është anuluar, për shkak të situatës së krijuar pas tërmetit që goditi Turqinë.
“Të nderuara medie, ju njoftojmë se për shkak të situatës së krijuar pas tërmetit në Turqi dhe angazhimit për mbështetje të operacionit humanitar, konferenca e përbashkët e planifikuar me ministrat e Mbrojtjes të shteteve të rajonit është shtyrë për një datë tjetër. Për datën e mbajtjes së konferencës do t’ju njoftojmë me kohë. Ju faleminderit për mirëkuptim”, thuhet në njoftim.
Ky takim ishte paraparë të mbahej në Prishtinë, dhe pritej të lexohej deklarata e përbashkët e katër ministrave të Mbrojtjes.