Policia e Kosovës e ka ndaluar një furgon, i cili dyshohet se po transportonte drunj ilegalisht nga malet e komunës së Shtërpcës.
Atij i janë konfiskuar drunjtë dhe po ashtu automjeti, i cili, sipas policisë, kishte dokumentacion të parregullt.
Po ashtu, ndaj tij është shqiptuar fletëparaqitje nga Agjencia Pyjore e Kosovës.
“Policia i ka marrë veprimet e nevojshme, ka konfiskuar automjetin për dokumentacion të parregullt për procedura të mëtejme, ndërsa ka njoftuar edhe zyrtarët për mbrojtjen e pyjeve nga Agjencia Pyjore e Kosovës, të cilët kanë dalë në vendin e ngjarjes dhe kanë shqiptuar fletëparaqitje ndaj personit për transport ilegal, dhe drunjtë më pas i kanë konfiskuar”, thuhet në njoftim.
Policia i ka ftuar qytetarët për bashkëpunim nëse kanë informacione rreth prerjes, transportit apo shitjes ilegale të drunjve, ta njoftojnë menjëherë policinë.