Gregory Kehoe, avokati i ish-presidentit Hashim Thaçi, ka theksuar se Qeveria e Përkohshme nuk ka pasur asnjë ndikim në Kosovën e pasluftës.
Sipas tij, kjo ishte hera e parë që OKB-ja kishte krijuar një prani ndërkombëtare civile dhe të sigurisë të mandatuar sipas Rezolutës 1244, për të marrë kontrollin e plotë mbi funksionet gjyqësore, ligjore, të sigurisë dhe administrative.
“Ky nuk ishte një mision tipik paqeruajtës. Ishte një gjë e paprecedentë. Ndërmarrja e OKB-së për sa i përket madhësisë dhe kompleksitetit. UNMIK-u u mandatua për të vendosur sundimin e ligjit dhe për të rivendosur Institucionet e Vetëqeverisjes së Kosovës”, ka thënë avokat Kehoe.
Kjo ishte kundërpërgjigjja e avokatit, për shkak se Prokuroria e kishte akuzuar Qeverinë e Përkohshme për dhunën që kishte ndodhur në ditët dhe javët e para të pasluftës.
Sipas avokatit mbrojtës të Thaçit, të gjitha kompetencat i kishte UNMIK-u në Kosovë, pra UÇK s’kishte kompetenca.