Ambasadori i Francës në Kosovë, Olivier Guerot, ka thënë se 100 mijë eurot e dhuruara për Komitetin Ndërkombëtar të Kryqit të Kuq vijnë si mbështetje për dialogun e lehtësuar nga BE-ja në mes të Kosovës dhe Serbisë.
Me anë të një postimi në Twitter, ai ka thënë se të njëjtat janë mbështetje për familjet e të zhdukurve.
“Franca i ka dhuruar 100 mijë euro Komitetit Ndërkombëtar të Kryqit të Kuq për të vazhduar punën për personat e zhdukur. Kjo është mbështetje për dialogun e lehtësuar nga BE-ja…mbështetje për familjet e të zhdukurve”, ka shkruar Guerot në Twitter.
La France verse 100 000€ au Comité International Croix Rouge (CICR) pour poursuivre le travail sur les personnes disparues. Soutien au dialogue facilité par l UE qui a permis un accord sur une déclaration commune 🇽🇰🇷🇸. Soutien aux familles des disparus https://t.co/p1HgjjytUV
— Ambassadeur Olivier Guerot (@Olivier_Guerot) April 8, 2023
Ndërkaq, në një postim në Facebook, thuhet se çështja e personave të zhdukur gjatë luftës në Kosovë është thelbësore për pajtimin dhe normalizimin e mardhënieve në mes të Kosovës dhe Serbisë.
Takimi i parë ndërmjet Kosovës dhe Serbisë pas marrëveshjes së Ohrit solli po ashtu dakordimin e parë drejt zbatimit të deklaratës për të zhdukurit gjatë luftës, takim ky i zhvilluar në mes të kryenegociatorëve, Besnik Bislimi dhe Petar Petkoviq.