Ekipi i Barcelonës në kategorinë e femrave e fitoi titullin e katërt radhazi në La Liga këtë dielën, pasi fitoi 3-0 kundër Sporting de Huelva në “Estadi Johan Cruyff”.
Ky triumf i vendosi lojtarët e Barçës si fitues të Liga së femrave në Spanjë me një rekord 100% në kompeticion. Edhe pse kanë mbetur edhe katër ndeshje në sezon, skuadra fitoi 26 ndeshje nga 26 të luajtura, duke pranuar vetëm pesë gola e duke shënuar 108.
Fitorja kundër Sporting de Huelva të dielën ishte e 61-ta radhazi e tyre në kampionat.
Këtë vit, Barça nuk pranoi gol për 957 minuta këtë sezon dhe janë vetëm pesë minuta larg rekordit të tyre prej 962.
Me këtë fitore, Muzeu i Barçës, një nga më të vizituarit në Kataloni, do t’i duhet të lërë vend për titullin e tetë të ligës në historinë e ekipit të femrave, më shumë se çdo klub tjetër në futbollin spanjoll për femra.
Ndryshe, ekipi i Barcelonës është edhe në finale të Ligës së Kampionëve ku për kundërshtar e ka Arsenalin ose Wolfsdburgun.
Finalisti do të mësohet sot, pasi të hënën zhvillohet ndeshja kthyese ndërmjet Arsenalit dhe Wolfsburgut nga ora 18:45 në Londër.
Aquest moment 🥹🏆🔝 pic.twitter.com/wxzcQ6pGHr
— FC Barcelona Femení (@FCBfemeni) April 30, 2023