Kurorëzimi i parë në 70 vjet do të bëhet më vonë, me Mbretin Charles III. Një turmë e tërë është mbledhur që nga orët e para të mëngjesit.
Rreth 5,000 anëtarë të forcave të armatosura po mbërrijnë në Londër me trena të njëpasnjëshëm e posaçërisht nga vende si Farnborough, Tring dhe Aldershot.
Ata po marshojnë mbi urën Westminster për të marrë pozicionin për pjesën e tyre në ceremony më vonë.
Today's the day!@royalfamily #Coronation pic.twitter.com/kFmvfRDvnp
— The Prince and Princess of Wales (@KensingtonRoyal) May 6, 2023
Ushtria, Marina, RAF dhe forcat e Commonwealth janë të gjitha të përfshira, transmeton CNN.
Mijëra personel ushtarak po mbërrijnë në Londër për të marrë pjesë dhe një operacion i madh sigurie është në vend.
Rreth 100 krerë shtetesh do të marrin pjesë në kurorëzimin e Charles III i cili do të fillojë rreth orës 11:00 dhe do të zgjasë për gati dy orë.
Westminster Abbey is ready for the #Coronation of King Charles III and Queen Camilla. pic.twitter.com/LfS3wJBK4k
— The Royal Family (@RoyalFamily) May 5, 2023
Mbreti dhe Camilla më pas do të largohen nga Westminster Abbey për t’u kthyer në Buckingham Palace.
Lista e të ftuarve përfshin gjithashtu Princin Harry, Dukën e Sussex, i cili mbërriti nga Shtetet e Bashkuara të premten me një fluturim.
Do të jetë hera e parë që nga publikimi i kujtimeve të dukës që ai do të shihet në publik me vëllain e tij, Princin William, Princin e Uellsit.
Mendohet se Princi Harry mund të kthehet në SHBA disa orë pas ceremonisë për t’u ribashkuar me gruan e tij Meghan , me djalin e tyre Archie që feston ditëlindjen në të njëjtën ditë.