Në bazë të analizës dhe përcjelljes së sondazheve për zgjedhjet në Turqi, eksperti për Turqinë dhe Lindjen e Mesme, Dr. Mustafë Bajrami, beson se Rexhep Tayip Erdogan, do të jetë sërish në krye të presidencës së Turqisë.
Në një prononcim për Portali dukagjini, Bajrami, zgjedhjet në Turqi i ka konsideruar si një garë për teh të shpatës ku presidenti aktual i Turqisë do të korr suksese me 52.4 për qind të rezultatit në rundin e parë të zgjedhjeve.
“Në muajin e fundit nga 15 prilli, unë në baza ditore i kam përcjellë sondazhet, anketat analizat që janë bërë në Turqi edhe kam krijuar një opinion timin se kush fiton [zgjedhjet në Turqi] deri në mitingun e Stambollit puna ka qenë 50 me 50 nuk është ditur hiç se kush i fiton zgjedhjet] deri para një javë”, ka thënë ai.
Sipas ekspertit Bajrami, Mitingun i Stambollit e rikonfirmon Rexhep Tayip Erdoganit, si president të Turqisë.
“Pas mitingut të Stambollit bazuar edhe në pjesëmarrjen e njerëzve nëpër mitingje të presidentit të Turqisë Rexhep Tayip Erdoganit, karshi Kemal Kilicdaroglu, mu me del se Erdogan del me 52.4 për qind të votave”, shtoi ai.
Ndryshe, procesi i votimit në Turqi tashmë është mbyllur ku edhe pritet numërimi i votave.
Gjithsej janë 191 mijë e 884 kuti votimi në 1 mijë e 94 komitete zgjedhore në të gjithë Turqinë.
Sipas shifrave zyrtare, në zgjedhjet e 14 majit kanë të drejtë të votojnë më shumë se 64.1 milionë njerëz, shkruan DË.
Midis tyre, më shumë se 3.4 milionë jetojnë jashtë vendit. Për sa i përket peshës, votat e nga jashtë vendit vijnë kështu në vendin e katërt pas metropoleve më të mëdha turke Stamboll, Ankara dhe Izmir. Votimi jashtë vendit filloi më 27 prill.
Në zgjedhjet e vitit 2018, pjesëmarrja në Turqi ishte mbi 86%, ndërsa jashtë saj ishte rreth 50%.
Me rreth 53%, Erdogani fitoi presidencën në raundin e parë në 2018 dhe aleanca e tij elektorale mori pothuajse 54% të votave të vlefshme në Turqi. Jashtë vendit, Erdogani dhe aleanca e tij elektorale kanë pasur më shumë sukses, të dy duke fituar më shumë se 60% në mesin e turqve që jetojnë jashtë vendit.
Në Turqi është votuar të dielën për një parlament dhe president të ri.
Pas 20 vitesh, presidenti aktual Rexhep Tayip Erdogan nuk është favorit i qartë në garë. Sipas sondazheve, edhe aleanca e tij elektorale është prapa aleancës së opozitës.
Kush kandidon për president?
Ka katër kandidatë për zgjedhjet presidenciale. Presidenti në largim Rexhep Tajip Erdogan dhe sfiduesi i tij Kemal Kilicdaroglu ndodhen në një garë gjoks më gjoks.
Sipas shumë sondazheve, kandidati i aleancës më të madhe opozitare, Kilicdaroglu, është madje në krye, gjë që e bën Erdoganin dhe kampin qeveritar gjithnjë e më nervoz.
Vlerat e mbështetjes për dy kandidatët e tjerë variojnë nga 2 në 6%. Kandidatura e tyre bën që presidenti do të përcaktohet vetëm në raundin e dytë.