Policia e Kosovës e ka arrestuar një person në komunën e Podujevës, pasi i njëjti dyshohet se me sëpatë i ka sulmuar tre anëtarët e tij të familjes.
Viktimë e dhunës janë dy persona të gjinisë femërore dhe një person i gjinisë mashkullore.
Me vendim të prokurorit, i dyshuari është dërguar në mbajtje për 48 orë.
“Është arrestuar i dyshuari mashkull kosovar për shkak se kishte ushtruar dhunë fizike ndaj 3 viktimave, dy femrave dhe një mashkulli kosovarë, me ç’rast viktimës mashkull kosovar i kishte shkaktuar lëndime trupore, për të cilat, i njëjti ka pranuar tretman mjekësor. Nga i dyshuari është sekuestruar një sëpatë që dyshohet se ishte përdorur në rast. I dyshuari me vendim të prokurorit është dërguar në mbajtje për 48 orë”, thuhet në njoftim.
Rasti është cilësuar si dhunë në familje.