Kryeministri, Albin Kurti, ka pritur në takim ministrin e Mbretërisë së Bashkuar për Forcat e Armatosura, James Heappey, i cili në objektin e Qeverisë hyri bashkë me ambasadorin britanik, Nicholas Abbott.
Ministri britanik, pas takimit me Kurtin, do të mbajë edhe një konferencë për media.
Heappey fillimisht është takuar me presidenten e Kosovës Vjosa Osmani.
Ndërkaq, të hënën, presidentja Osmani ka pritur në takim senatorët amerikanë, Gary Peters dhe Chris Murphy.
Senatori amerikan, Murphy, pas takimit me presidenten Osmani, ka thënë se Serbia duhet të ndalojë së penguari Kosovën që të anëtarësohet në organizata ndërkombëtare.