Kryetari i ri i komunës së Zveçanit, Ilir Peci, ka konfirmuar se detyrën e tij do ta ushtrojë nga objekti i zyrës së komuniteteve që gjendet në fshatin Lipë, ngjitur me fshatin Boletin.
Kryetari i ri i komunës së Zveçanit, Ilir Peci, më 25 maj ka bërë betimin, procedurë kjo solemne për të marrë detyrën si kryetar.
Kjo ceremoni është zhvilluar në shkollën e fshatit Boletin, përkatësisht në shkollën fillore “Isa Boletini”.
“Detyrën do ta ushtroj nga zyra e komuniteteve në fshatin Lipë. Nuk është çështje që varet prej meje se kur do të kthehemi në objektin komunal. Qeveria qysh vendos, ne bëjmë”, ka thënë ai.
Është konfirmuar se deri më tani nuk ka pasur ndonjë përfaqësues serbë të interesuar për t’u bërë pjesë e Kabinetit të Kryetarit apo të udhëheqë drejtori në Komunën e Zveçanit.
Pas ceremonisë së betimit, Selvete Kelmendi, nga Partia Demokratike e Kosovës, është zgjedhur Kryesuese e Kuvendit Komunal, ndërkaq nënkryetari nuk është zgjedhur.
Asnjë përfaqësues serbë i interesuar të bëhet pjesë e kabinetit të kryetarit të Zveçanit