Ish-ambasadori Peci: Fjalët nuk bëjnë punë, mirupafshim në Kosovën e izoluar dhe të bankrotuar

Kapitulli i përkrahjes dhe i partneritetit të vendeve kyçe të Perëndimit me vendin tonë tanimë pothuajse është mbyllur! Mirupafshim në Kosovën e izoluar dhe të bankrotuar, ka thënë ish-ambasadori i Kosovës në Suedi, Lulzim Peci

Ish-ambasadori i Kosovës në Suedi, njëherësh drejtori i Institutit KIPRED, Lulzim Peci

Ish-ambasadori i Kosovës në Suedi, Lulzim Peci, ka thënë se “kapitulli i përkrahjes dhe partneritetit të vendeve kyçe të Perëndimit me vendin tonë tanimë pothuajse është mbyllur”.

Kështu është shprehur ai në një postim në llogarinë e tij në Facebook, ku ka thënë se po vjen koha “e izolimit e bankrotimit të Kosovës”.

“Po më duket se nuk jemi të vetëdijshëm për seriozitetin e situatës në të cilën gjendemi. Fjalët dhe argumentet nuk bëjnë punë! Kapitulli i përkrahjes dhe partneritetit të vendeve kyçe të Perëndimit me vendin tonë tanimë pothuajse është mbyllur! Mirupafshim në Kosovën e izoluar dhe të bankrotuar! Fundi i fundit, qysh e lypshim e gjetshim!”, shkroi ai.

Ndryshe, Shtetet e Bashkuara dhe Bashkimi Evropian po shqyrtojnë mundësinë e masave kundër Kosovës, në rast se nuk përmbush detyrimet e saj dhe nuk qetëson situatën në veri të vendit, përfshirë këtu edhe sanksione ndaj kryeministrit Albin Kurti dhe ministrit të brendshëm, Xhelal Sveçla, sipas një teksti të qeverisë amerikane, të siguruar nga Euronews Albania.

Faza e parë e sanksioneve do të përfshinte ngrirjen e të gjitha fondeve të BE-së, procesin e liberalizimit të vizave, procesin e anëtarësimit në Këshillin e Evropës, fondet amerikane dhe projekte të tjera të financuara nga Perëndimi.

Faza e dytë do të ishte qëndrimi pasiv i aleatëve të Kosovës ndaj fushatës së Serbisë për mosnjohjen e shtetit të Kosovës, një riorganizim i prezencës ushtarake ndërkombëtare dhe një reduktim në shkallë të gjerë i kontigjentit amerikan në Kosovë, si dhe përjashtimi i Kosovës nga organizata të caktuara ndërkombëtare.

Dokumenti gjithashtu parashikon sanksione individuale ndaj kryeministrit Albin Kurti dhe ministrit të brendshëm, Xhelal Sveçla, nëse situata në terren degradon më tej. Kjo mund të përfshijë shpalljen nongrata të dy zyrtarëve, “me justifikimin se ata janë një kërcënim për sigurinë dhe paqen”.

Euronews: Vizat – faza e parë e sanksioneve ndaj Kosovës nëse Kurti s’i bindet kërkesës ndërkombëtare

 

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika