Qeveria e Kosovës ka mbajtur të hënën mbledhjen e 146-të, në të cilën, ka miratuar dy nisma mes Qeverisë së Shqipërisë.
Sipas njoftimit nga Zyra e Kryeministrit, Qeveria ka miratuar nismën për lidhjen e Marrëveshjes Ndërkombëtare mes Këshillit të Ministrave të Republikës së Shqipërisë për Bashkëpunimin në lehtësimin e Procedurave në Pikat e Inspektimit Kufitar për produktet me origjinë joshtazore.
Marrëveshja synon të promovojë tregtinë, heqjen e barrierave dhe lehtësimin e procedurave të kontrollit, duke pasur parasysh marrëdhëniet e zhvilluara deri tash dhe duke synuar forcimin dhe shtrirjen e bashkëpunimit midis dy vendeve në fushën e bujqësisë.
Po ashtu, Qeveria ka miratuar nismën për lidhjen e marrëveshjes mes Këshillit të Ministrave të Shqipërisë për Bashkëpunim Arsimor dhe Shkencor me përfitim reciprok.
Kryeministri i Kosovës, Albin Kurti, ka njoftuar se Qeveria e Kosovës dhe ajo e Shqipërisë do të kenë mbledhje të përbashkët
Takimi pritet të mbahet më 14 qershor të këtij viti në qytetin e Gjakovës.
Ky do të jetë takimi i nëntë mes qeverive shqiptare të të dy shteteve, ndërsa që prej 11 janarit 2014, kur për herë të parë nisi ky bashkëpunim, janë nënshkruar dhjetëra marrëveshje.