Një prej ditëve më të rënda për gazetarët ka qenë kjo e premte.
Gurë, shok-bomba janë hedhur në drejtim të tyre e është ushtruar dhunë fizike në sulmin e protestuesve të tërbuar në Leposaviq.
E gjithë kjo situatë, ka lënë 9 prej tyrë të lënduar, disa prej tyre me lëndime serioze.
Më seriozisht janë të lënduar kamermani i RTK-së, Bardh Bekteshi dhe gazetari i portalit Arbresh, Pleurat Salihu.
Situta më e tensionuar se rëndom, ka qenë shkaku i vizitës që ka realizuar gjatë ditës në këtë komunë Ministri Elbert Krasniqi, që ka takuar kryetarin e komunës Lulzim Hetemi.
Me të kuptuar për vizitën e tij brenda komunës, ka pasur një mësymje që të futen brenda objektit, por që nuk janë lejuar nga pjesëtarë të KFOR-it.
Megjithatë, situata u nxit sërish me të dalë nga objekti i komunës të ministrit Krasniqi.
Por përveç thirrjeve e brohoritjeve kundër, cak, siç ka treguar gazetarja Dorentina Thaçi e Dukagjinit, kanë qenë edhe gazetarët, e cila është goditur me gurë në kokë.
Në situatë edhe më e rëndë, ka ndodhur me kamermanin e Dukagjinit, Leonard Berisha, në tentimin për tu larguar nga turma kriminale, ka vrapuar në drejtim të ushtarëve të KFOR-it, por as këta nuk i kanë ofruar ndihmë.
Kjo është përmendur edhe nga Asociacioni i Gazetarëve të Kosovës, që në reagimin e tyre kanë kërkuar që të mos i pengojnë gazetarët në raportim, perderisa siguri për ta nuk është duke ofruar.
Gazetarët e kamerman, pas sulmit të rëndë ndaj tyre janë dërguar në Stacionin e Policisë në Kosovës në Leposaviq, ku kanë dhënë deklaratat për rastin.
Përveç Asociacionit, për sulmin kanë ardhur reagime edhe nga kryetari i Kuvendit, Glauk Konjufca, kryeministri Albin Kurti si edhe platforma rajonale e Ballkanit Perëndimor, Safe Journalists, sikur edhe ambasada e Britanisë së Madhe dhe ajo e SHBA-ve.
Veriu i vendit, vazhdimisht ndër vite ka qenë zonë rrezikur për gazetarë kosovarë, për sulmet ndaj tyre janë intensifikuar në valën e fundit të tensioneve, me rastin e fundit që është i 28-ti me radhë.