Policia e Kosovës është informuar për një rrahje në Fakultetin e Mjeksisë, në Prishtinë.
Mesditën e së martës, Policia e Kosovës është njoftuar për një sulm fizik ndaj një personi në një prej njësive akademike në kuadër të Universitetit të Prishtinës “Hasan Prishtina”.
Hatixhe Latifi-Pupovci, ligjëruese në Fakultetin e Mjekësisë, njëkohësisht edhe bashkëshortja e zëvendësministrit të Arsimit, Dukagjin Pupovci, është sulmuar në vendin e punës.
“Policia menjëherë ka dalë në vendin e ngjarjes dhe bazuar në të dhënat e deritanishme, lëndime trupore ka pësuar një person(femër) e cila është dërguar për trajtimin e nevojshëm mjekësor”, ka thënë Policia e Kosovës për Portali D.
Me rastin në fjalë, Policia e Kosovës ka bërë të ditur se po merren njësitë përkatëse.