Ish-kryeministri i Kosovës, tashmë deputeti i Lidhjes Demokratike të Kosovës (LDK), Avdullah Hoti, ka kritikuar Qeverinë lidhur me situatën që policët nuk po i marrin shtesat e rrezikshmërisë në punë.
Hoti ka thënë se do të ishte e kuptueshme nëse këto shtesa do të vonoheshin për një muaj, pasi sipas tij, duhet futur të dhënat në sistemin e Thesarit në Ministrinë e Financave.
“Por, të mos paguhen për katër muaj, tregon mungesën e vullnetit dhe papërgjegjësinë ndaj policëve që dërgohen çdo ditë në veri, si dhe ndaj familjeve të tyre që çdo ditë janë të shqetësuar kur i përcjellin për punë”, ka shkruar Hoti.
Policët nuk i marrin shtesat e rrezikshmërisë në punë tash e katër muaj.