Ish-ministri i Punëve të Brendshme, Bejtush Gashi, ka thënë se sulmet në veri të Kosovës nuk do të ndalen derisa të përmbushet skenari i Serbisë.
Sipas Gashit, ky skenar i Serbisë ka krijuar një situatë të tensionuar dhe të pasigurt, duke shtuar se ky skenar, gjithashtu, është hartuar me strategjinë ruse.
“Këto sulme nuk do të ndalen deri sa të përmbushet objekti që Serbia e ka hartuar, për të krijuar një situatë të tillë, që krijon një pasiguri jo vetëm për pakicën serbe atje, por për të gjithë qytetarët. Ky skenar është hartuar edhe me strategjinë që e ka pasur Rusia para okupimit të Ukrainës, para opinionit ndërkombëtar komuniteti serb me e përshkrua si popullatë që nuk jeton në siguri dhe shteti i Kosovës nuk ka mundësi t’iu ofrojë siguri”, ka thënë Gashi.