Kryetari i komunës së Gjakovës, Ardian Gjini, ka njoftuar se sot kanë filluar punimet për vazhdimin e stadiumit të qytetit.
Përmes një postimi në Facebook, Gjini ka thënë se përveç punimeve në tribunat lindje dhe perëndim, edhe pjesa e fushës do të shndërrohet në tërësi.
“Më entuziazmon fakti që ky projekt madhor, do t’iu shërbejë shumë gjeneratave ndër vite, duke qenë një tempull i sportit dhe kulturës,” ka shkruar ai.
I pari i Gjakovës gjithashtu ka treguar se për fazat që kanë filluar sot, komuna e Gjakovës do të investojë rreth 2.5 milionë euro.
“Shpresojmë që pjesa e projektit, e nisur nga Ministria do të vazhdojë, në mënyrë që konstrukti të jetë i përfunduar e më pas të vazhdojë pjesa e mbulojës, ndriçimit dhe të gjitha pjesët që i takojnë një stadiumi të mirëfilltë.”
“Stadiumi i Qytetit të Gjakovës, do të jetë aset i rëndësishëm për Gjakovën, por edhe gjithë Kosovën dhe kjo më bën jashtëzakonisht të lumtur dhe krenar,” ka shkruar Ardian Gjini.
Më poshtë gjeni postimin e tij të plotë.