Presidentja e Sllovakisë, Zuzana Caputova, u ka dhënë leje nëntë qytetarëve sllovakë për të shërbyer në ushtrinë ukrainase.
Të shtunën e 5 gushtit, mediat sllovake raportuan që presidentja Caputova i ka vlerësuar 35 kërkesa të qytetarëve për të luftuar përkrah ushtrisë ukrainase, dhe i pranoi nëntë prej tyre. Derisa arsyet e pranimit apo refuzimit të kërkesave ende nuk janë dhënë.
Sipas ligjit në fuqi në Sllovaki, qytetarët sllovakë kanë të drejtë t’i bashkohen ushtrisë së një vendi të huaj vetëm me lejen e presidentit të vendit, dhe pa një leje të tillë, sllovakët përballen me ndjekje penale.
Në fillim të këtij muaji, Republika e Çekisë njoftoi se u ka dhënë leje të ngjashme 146 qytetarëve të saj qëkur nisi pushtimi rus i Ukrainës në shkurt 2022. /REL