Knut Abraham, deputet gjerman nga CDU/CSU, ka përkrahur letrën e ligjvënësve evropianë dhe amerikanë, ku kërkohet të ndryshohet e qasja ndaj Kosovës në mënyrë që dialogu me Serbinë të jetë “më i balancuar”.
Mbështetjën e tij e ka shfaqur përmes një postimi në rrjetin e tij social “X”, ku thotë se është një nismë shumë e mirë dhe në kohën e duhur.
“Kjo letër e hapur ka mbështetjen time të plotë. Një nismë shumë e mirë dhe në kohë”, ka shkruar Abraham, duke shpërndarë postimin e deputetës britanike, Alicia Kearns.
Këtë letër e kanë nënshkruar 56 deputetë dhe 10 kryetarë të komisioneve për punë të jashtmë. Ndër ta është edhe senatori amerikan, Bob Mendez, i cili thotë se është krenar “që bashkohet me shumë kryetarë të komiteteve për punë të jashtme dhe ligjvënësve që i bëjnë thirrje qeverive të tyre për ndryshimin e qasjes në mardhëniet e Kosovës me Serbinë”.