Kryetari i Prishtinës, Përparim Rama, ka njoftuar se nga dita e hënë ka filluar adoptimi i qenve endacakë në kryeqytet.
Ai, përmes një postimi në faqen e tij zyrtare në Facebook, ka thënë se secili nga qentë që adoptohet, do të jetë i pajisur me mikroçip dhe do ta ketë numrin e shënuar në kontratë.
“Secili nga qentë që jepet për adoptim do të jetë i pajisur me mikroçip dhe numri i tij është i vendosur edhe në kontratë, montorimi i të cilit do të bëhet nga Drejtoria për Siguri dhe Emergjenca”, ka shkruar Rama.
Javë më parë, Komuna e Prishtinës ka marrë vendim që t’i ndihmojë me nga 50 euro, ata të cilët adoptojnë një qen.