Një 54 vjeçar nga Shqipëria ka humbur jetën si pasojë e një vetaksidenti, mbrëmjën e së premtës, në Vogovë të Gjakovës.
Këtë për RTV Dukagjinin e ka konfirmuar zëdhënësi i Policisë për rajonin e Gjakovës, Sheremet Elezaj, i cili ka thënë se aksidenti ka ndodhur rreth orës 19:50, e në lidhje me rastin është lajmruar edhe prokurori i shtetit.
“Rreth orës 19:50 kemi pranuar informatë për aksident trafiku në fshatin Vogovë- Gjakovë. Policia ka dalë në vend-ngjarje ku ngasësi i një automjeti dyshohet se ka humbur kontrollin mbi automjetin dhe është vet-aksidentuar. Për pasojë shoferi i automjetit (mashkull, shtetas i Republikës së Shqipërisë, i lindur në vitin 1969) ka humbur jetën. Lidhur me rastin është njoftuar prokurori i shtetit si dhe janë duke u ndërmarrë veprimet e nevojshme hetimore”, ka konfirmuar Elezaj.