“MIRËMËNGJES
me përuljen me nderim për efektivin e Policisë së Kosovës, Afrim Bunjaku, i cili dha jetën në krye të detyrë”.
Kështu ka shkruar kryeministri Shqipërisë Edi Rama, në nderim të zyrtarit policor që u vra mëngjesin e 24 shtatorit nga një grup terrorist, në veri të Kosovës.
Rama, gjithashtu ka reaguar gjatë ditës kur po vazhdonte përleshja e policisë me grupin terrorist.
u
“Tragjedia e humbjes së jetës së efektivit të Policisë së Kosovës është këmbana më e madhe e alarmit deri më sot për rrezikun e vazhdueshëm të eskalimit të krizës së zgjatur në një konflikt të armatosur”, kishte shkruar Rama.
Më tutje, ai ka thënë se Komuniteti euroatlantik duhet të marrë masa para se eskalimit të mëtejshëm të situatës, pasi sipas Ramës, kjo mund të “dalë jashtë kontrollit e të kthehet në një zjarr destabilizues për krejt rajonin”.