Me bidonë të shumtë, banorë të Lagjes së Muhaxherëve po vijnë për tu furnizuar me ujë tek ajo që njihet si “Qeshmja e Matiqanit”.
Prapa kamerave, njëri ndër ta i tregoi televizionit se nuk mund të përballonte të blinte ujë aq sa i nevojitej, e për rrjedhojë, bidonët po i mbush tek ky rubinet.
Përderisa ata ishin njoftuar nga KRU Prishtina e IKSHPK se uji në venbanimet e tyre nuk rekomandohej për pije e gatim, shumë të tjerë nuk ishin në dijeni.
“Jojo hiq, deri tani që iu takova juve se nuk kam dëgjuar”, ka thënë qytetari i parë.
“Jena tu e përdor çdo ditë. Neve nuk na ka ëajmëruar askush për me ndërpre. Tash na duhet me ble ujë”, ka thënë qytetari i dytë.
“Nuk ka vend për panik mirëpo secili nga ne duhet ti përfillim këshillat e IKSHPKsë. Rritja e manganit e nivelit të tij në liqenin e Badovcit është një dukuri natyrore e cila ndodhë kur temperaturat gjatë natës janë shumë të ftofta e gjatë ditës më të nxehta. Është situatë që do tejkalohet shpejt”, ka thënë Arjeta Mjeku.
Siç ka njoftuar IKSHPK, në bashkëpunim me KRU “Prishtina”, është realizuar furnizimi i QKUK-së përmes alternatives Shkabaj-Batllavë.
Gjatë ditës, për zonat e prekura nga rekomandimi për mos-pirje, kompania ka siguruar furnizimin me ujë për banorët përmes autobotëve të ujit, ku fillimisht një i tillë është vendosur në Graçanicë.
Një i tillë, KRU Prishtinës gjatë ditës i është vënë në dispozicion edhe nga KEK-u, që është vendosur fillimisht në rrugën Muharrem Fejza.
Deri në njoftimin e radhës, IKSHPK ka deklaruar se uji nuk rekomandohet per pije dhe per gatim.