Forcat Mbrojtëse të Izraelit (IDF) e kanë konfirmuar vdekjen e një ushtareje të rrëmbyer nga Hamasi dhe të mbajtur në Gaza pas sulmit masiv terrorist të grupit ndaj Izraelit më 7 tetor.
IDF-ja tha se kishin informuar familjen e 19-vjeçares, Noa Marciano për vdekjen e saj.
Marciano ishte shfaqur në një video të publikuar nga Hamasi të hënën, të cilën IDF-ja e quajti “terrorizëm psikologjik”, shkruan BBC.
Noa Marciano, 19 años. ZL. pic.twitter.com/u1I2lTpoAb
— Judiniño ✡️ (@judiovirus) November 13, 2023
Ajo ishte një nga rreth 240 pengjet e marra nga persona të armatosur të Hamasit gjatë sulmit të muajit të kaluar, i cili vrau 1200 persona. Që nga 7 tetori, Hamasi ka liruar katër pengje dhe IDF-ja ka shpëtuar një.
Pas sulmit të 7 tetorit, Izraeli nisi një luftë kundër Hamasit. Kështu, më shumë se 11,000 njerëz janë vrarë në Gaza që atëherë, sipas Ministrisë së Shëndetësisë të drejtuar nga Hamasi. Ndërsa, 46 ushtarë izraelitë janë vrarë në luftimet brenda Gazës gjatë së njëjtës periudhë, thotë IDF-ja.