Deputeti i Lëvizjes Vetëvendosje, Armend Muja, ka njoftuar pas mbledhjes së kryesisë se gjatë kësaj jave do të zhvillohen tri seanca plenare.
Muja ka theksuar se Serbia mbetet sfida kryesore në rrugën drejt normalizimit dhe ka shtuar se Kosova është e gatshme të kontribuojë në emër të paqes dhe integrimit evropian.
Gjatë konferencës për shtyp, Muja bëri të ditur se dy seanca do të mbahen të enjten dhe një seancë të premten për pyetje parlamentare, ndërsa në seancën e dytë të së enjtes do të votohen marrëveshjet ndërkombëtare.
Deputeti u fokusua edhe në sfidat kryesore të procesit të normalizimit, duke identifikuar Serbinë si një prej tyre dhe theksoi gatishmërinë e Kosovës për të kontribuuar në paqe dhe integrimin evropian.
Ndryshe, kryesia e Kuvendit të Kosovës ishte mbledhur të hënën për të caktuar seancën e radhës, ku në rend dite ishin edhe një varg pikash nga seancat e kaluara.