Të enjten e 30 nëntorit, një zyrtare e KEDS-it ka informuar se një klient ka kryer pagesë për shpenzimin e energjisë elektrike, ku gjatë numërimit kanë dalë 500 monedha nga 2 euro të falsifikuara.
Policia ka njoftuar se ngjarja ka ndodhur në Shtërpcë.
Në raportin e policisë bëhet e ditur se monedhat janë konfiskuar dhe rasti është duke u hetuar.
“Shtërpcë 30.11.2023 – 13:50. Ankuesja femër mashkull kosovare zyrtare e KEDS-it ka informuar se një klient mashkull kosovar ka kryer pagesë ku gjatë numërimit kanë dal 500 monedha nga 2€ të falsifikuara. Monedhat janë konfiskuar dhe rasti është duke u hetuar”, thuhet në raportin 24-orësh të policisë.
Kujtojmë se 2 eurot false tashmë kanë arritur të shkaktojnë probleme te qytetarët, por njëkohësisht edhe te bizneset e ndryshme.
Këto monedha nuk po i pranojnë të dyja palët.