Ministri i Mbrojtjes, Ejup Maqedonci, gjatë qëndrimit të tij në Pragë është takuar me homologun e tij slloven, Marjan Sarec, në kuadër të ministerialit të Bashkëpunimit të Mbrojtjes së Evropës Qendrore.
Maqedonci e Shareq kanë diskutuar për situatën e sigurisë globale dhe ndikimin në rajon, por edhe për marrëdhëniet bilaterale në fushën e mbrojtjes.
“Ministri Maqedonci e falënderoi Ministrin Šarec për mbështetjen e ofruar Forcës së Sigurisë së Kosovës nga ana e Forcave të Armatosura të Republikës së Sllovenisë, si dhe kërkoi përkrahjen politike të shtetit slloven në aspiratat e vendit tonë për integrim në strukturat euro-atlantike”, thuhet në njoftimin zyrtar.