Pas vrasjes së Liridona Ademajt më 29 nëntor në Prishtinë, u fol shumë në media në lidhje me këtë rast.
Në Shqipëri, analisti Arjan Curri e kishte lakuar emrin e Behgjet Pacollit teksa fliste për ngjarjen e rëndë.
Deputeti i Kuvendit të Kosovës, Pacolli, i ka thënë analistit shqiptar, Arjan Curri, se ka bërë shpifje dhe gënjeshtra ndaj tij dhe familjes së tij.
“Ju zoti Arjan Curri që nisët këtë akt të shëmtuar me shpifjet dhe gënjeshtrat tuaja nuk keni të drejtë t’i shkaktoni vuajtje familjes sime, veçanërisht djalit tim të vogël, i cili tani është bërë objekt bullizmit të vazhdueshëm, nga miqtë e tij për shkak të deklaratave të juaja false dhe mashtruese”, ka shkruar Pacolli.
Deputeti ka thënë se ka një familje me tradita të forta dhe se “do të punoj për të ju sjellur para përgjegjësisë për krejt këto vuejtje që i shkaktuat fëmijëve dhe familjes sime”.