Ministri i Infrastrukturës dhe njëherësh anëtar i Lëvizjes Vetëvendosje, Liburn Aliu, ka mirëpritur në takim ambasadorin e ri të Republikës së Shqipërisë në Kosovë, Petrit Malaj.
Këtë e ka bërë të ditur ministri Aliu përmes një postimi në rrjetin social Facebook.
Gjatë këtij takimi u diskutuan marrëdhëniet vëllazërore në mes të dy vendeve, duke e specifikuar rëndësinë e thellimit dhe të avancimit të bashkëpunimit.
“U dakorduam se marrëdhëniet e shteteve tona duhet të jenë të prioritetit më të lartë, përherë përbrenda aspiratave të interesave dhe qëllimeve të kombit tonë, në të mirën e përgjithshme të qytetarëve”, thuhet ndër të tjera në njoftim.