Nga sot, të gjitha patrullat e Policisë së Kosovës do të pajisen me armë të gjata.
Kështu bëri të ditur ministri i Punëve të Brendshme, Xhelal Sveçla, i cili e falënderoi shtetin e Kroacisë për bashkëpunimin e ngushtë.
“Nga sot të gjitha patrullat e Policisë së Kosovës do të pajisen me armë të gjata.Me blerjen e këtyre armëve për të gjitha patrullat policore anekënd Republikës së Kosovës rritet efikasiteti në luftimin e krimit me çka mundësohet një ambient më i sigurt, rend publik më i qetë dhe më shumë siguri për zyrtarët tanë policorë”, tha ai.
