Dje nga një vetaksident në aksin rrugor Gjilan – Lumi i Bardhë, ka vdekur një 28-vjeçar.
Zëdhënësi i Policisë për rajonin e Gjilanit, Ismet Hashani, për Portalin Dukagjini kishte thënë se vdekjen e 28-vjeçarit e kishte konfirmuar mjeku kujdestar.
Ndërsa, Policia e Kosovës sot në raportin e saj 24-orësh ka njoftuar se vetura, duke mos përshtatur shpejtësinë e lëvizjes, ka dalë jashtë rrugës dhe ka goditur shkëmbinjtë.
Policia ka njoftuar se trupi i pajetë me vendim të prokurorit është dërguar në IML për obduksion.
“Gjilan 25.01.2024 – 00:50. Raportohet për një vetë aksident trafiku ku një veturë duke mos përshtatur shpejtësinë e lëvizjes, del jashtë rrugës duke goditur shkëmbinjtë. Lëndime vdekjeprurëse ka pësuar drejtuesi i veturës mashkull kosovar ndërsa pasagjeri ka pësuar lëndime të rënda. Vdekjen e viktimës e ka konstatuar mjeku kujdestar. Trupi i pajetë me vendim të prokurorit është dërguar në obduksion”, thuhet në raport.