Pesë persona janë lënduar si pasojë e një aksidenti trafiku në mes të një autobusi dhe tri makinave, që ka ndodhur në fshatin Mleqan.
Lajmin për Portalin Dukagjini e ka konfirmuar zëdhënësi i policisë për rajonin e Gjakovës, Sheremet Elezaj.
“Atë që mund ta them është se aksidenti është raportuar në ora 19:10, është i përfshirë një autobus dhe tri automjete, janë pesë persona të lënduar”, ka thënë Elezaj.
Tutje, Elezaj tha se në vend të ngjarjes janë të gjitha njësitet të cilat po merren me rastin.