Franca e Gjermania thonë se e ardhmja e dialogut Kosovë – Serbi është që palët të kenë një narrativë të përbashkët.
Ambasadori i Gjermanisë në Kosovë, Jorn Rohde dhe ambasadori i Francës në Kosovë, Olivier Guerot, në një intervistë të përbashkët në emisionin “Five”, në RTV Dukagjini kanë theksuar se një ndër elementet që liderët e dy vendeve duhet të kenë parasysh në raportin e tyre është që nuk duhet të presin që gjërat të rregullohen vetë por që të ketë dialogim që gjërat të ecin përpara.
“..Një nga elementet që liderët duhet të ken; parasysh dhe të vendosin është që nuk duhet të presin të ndodhin gjërat sepse ato nuk mund të shërohen vetvetiu. Ne jemi duke bërë hapa, duke përfshirë Ballkanin Perëndimor, shpresojmë që Kosova do të jetë e gatshme duke mbajtur partneritetin me BE-në që të shfrytëzojë atë tren që është në lëvizje”, ka deklaruar ambasadori francez, Guerot.
“Nuk është e lehtë… duhet të kanë një narrativë të përbashkët. Dialogu do të thotë kur dy njerëz ulen dhe flasin, shpresoj të ulen më shpesh dhe që të mos ketë nevojë Lajcak të udhëtojë për takime të ndara”, ka deklaruar ambasadori gjerman, Rohde.