Ministri i Kulturës, Rinisë dhe Sportit, Hajrulla Çeku ka njoftuar se sot ( e premte) është nënshkruar memorandumi mes Federatës së Futbollit të Kosovës dhe Ministrisë së Kulturës për rindërtimin e tërësishëm të fushës së stadiumit “Fadil Vokrri” në Prishtinë.
Kjo është bërë e ditur nga vet ministri, Hajrulla Çeku përmes një postimi në rrjetin social “Facebook”.
Sipas njoftimit zyrtar, thuhet se ky memorandum do të i kushtojë buxhetit të përbashkët 1.3 milion euro.
“Punimet do të nisin së shpejti dhe stadiumi do të jetë i gatshëm për ndeshje vendore dhe ndërkombëtare. Vazhdojmë me shumë punë të mira anekënd Kosovës për konsolidimin e infrastrukturës së futbollit”, thuhet në njoftim.