Kryetari i Komunës së Prishtinës, Përparim Rama, ka shkuar në vendin e ngjarjes pasi zjarri përfshiu një pjesë të shtëpisë së të moshuarve në Prishtinë.
Rama tha se për çështje sigurie banorët është dashur të evakuohen, teksa shton se do të dërgohen në hotel.
Kështu ka deklaruar Rama përmes një postimi në rrjetin social “Facebook”.
“Pas incidentit të zjarrit i cili ndodhi në Shtëpinë e të Moshuarve, ku nuk pati të lënduar, bashkë me nënkryetaren Jehona Lushaku Sadriu dhe ekipën përkatëse të drejtorëve vizituam vendin e ngjarjes. Pas konsultimeve me ekipën e urgjencës mjekësore, zjarrfikësve dhe ekipës për siguri dhe emergjenca morëm vendim që të moshuarit për çështje sigurie, derisa të bëhet pastrimi i objektit, të zhvendosen në hotel”, thuhet në njoftimin e Kryetarit.