Prokuroria Themelore e Ferizaj ka dalë me njoftim rreth ukrainases, e cila u gjend e vdekur në autostradën Ferizaj-Prishtinë.
Si thuhet në njoftim, rasti është duke u hetuar në drejtim të veprës penale “Aksident trafiku” me fatalitet.
“Ferizaj, 22 Shkurt 2024– Prokuroria Themelore në Ferizaj, njofton opinionin publik se më 21.02.2024, në autostradën Ferizaj-Prishtinë, rreth orës 19:30, është gjetur pa shenja jete një person-shtetase e huaj (ukrainase) me iniciale O.K.
Hetuesit Rajonal të Policisë së Kosovës, në koordinim me Prokurorin e Shtetit kanë dalë në vendin e ngjarjes dhe nga ekipi mjekësor është konstatuar vdekja e saj. Prokuroria me të gjitha institucionet tjera relevante janë duke punuar për zbardhjen e rrethanave të kësaj vdekjej dhe rasti është duke u hetuar në drejtim të veprës penale ‘Aksident trafiku’ me fatalitet.
Me urdhër të Prokurorit të Shtetit, trupi i pajetë i viktimës është dërguar për obduksion në Institutin e Mjekësisë Ligjore (IML) në Prishtinë”, thuhet në njoftim.