Një person është arrestuar në Mitrovicë nën dyshimin se ka kryer veprën penale “Mashtrimi”.
Siç njofton Prokuroria Themelore në Mitrovicë i dyshuari me iniciale J.M,. në periudha të ndryshme që nga viti 2021 e deri në muajin korrik të vitit 2023 ka mashtruar qytetarë të ndryshëm me qëllim të përfitimit të dobisë pasurore, ku dyshohet se vlera e përfitimit është rreth 2 milionë euro.
“Prokuroria Themelore në Mitrovicë, njofton opinionin se është arrestuar personi i dyshuar me iniciale J.M,. me dyshimin se në periudha të ndryshme nga viti 2021 e gjer në muajin korrik 2023, në mënyrë mashtruese ka mashtruar qytetarë të ndryshëm, me qëllim të përfitimit të dobisë pasurore për vete, dhe dyshohet se vlera e përfitimit është rreth 2 milionë euro. Me këto veprime i dyshuari ka kryer veprën penale “Mashtrimi” nga neni 323 i Kodit Penal të Republikës së Kosovës”, thuhet në njoftim.
I dyshuari, me vendim të prokurorit është ndaluar për 48 orë ndërsa në afatin e paraparë ligjor Prokuroria Themelore në Mitrovicë ndaj të dyshuarit do të paraqesë kërkesë për caktimin e masës së paraburgimit.