Memli Krasniqi, Kryetari i Partisë Demokratike të Kosovës, të shtunën e 4 qershorit ka marrë pjesë në Kongresin e Aleancës së Liberalëve dhe Demokratikëve të Evropës në Dublin të Irlandës.
Memli Krasniqi ka diskutuar për aspiratat evropiane të Kosovës dhe ka prezantuar zhvillimet dhe reformat e Partisë Demokratike të Kosovës.
“Ballkani Perëndimor në përgjithësi dhe Kosova në veçanti, duhet të përfshihen në planet për krijimin e një Evrope të bashkuar kundrejt sfidave aktuale, që po vijnë kryesisht nga Rusia dhe shtetet e tjera që nuk ndajnë të njëjtat vlera qytetëruese”, ka thënë Krasniqi.
Gjatë kohës së qëndrimit në Irlandë, Memli Krasniqi ka takuar deputetë të Parlamentit Evropian, liderë të partive anëtare të ALDE, deputetë të Parlamentit Evropian dhe ka marrë pjesë në takimet e LIBSEEN.
Mes tjerash, në këtë Kongres, kreu i PDK-së ka bërë të ditur vullnetin e PDK-së që të bëhet pjesë e Aleancës së Liberalëve dhe Demokratëve të Evropës, si parti me të drejta të plota.