Të paktën 36 persona janë vrarë në sulmet ajrore izraelite pranë qytetit sirian të Alepos. Ministria siriane e Mbrojtjes thotë se sulmet goditën disa zona në fshatrat e Aleppos në orën 01:45.
Observatori Sirian për të Drejtat e Njeriut (SOHR) me bazë në Mbretërinë e Bashkuar thotë se objektivat ishin depo armësh të përdorura nga grupi militant libanez i mbështetur nga Irani, Hezbollah.
Ministria e Mbrojtjes thotë se civilët dhe personeli ushtarak sirian u vranë gjithashtu. SOHR, një grup monitorues me një rrjet të gjerë kontaktesh në Siri, thotë se dhjetëra të tjerë u plagosën.
30+ dead after Israeli airstrikes against IRGC & Assad regime weapons depots near the Aleppo Airport & other places in Syria
The video shows massive secondary explosions as the Iranian weapons explode after the airstrikes
Bad day for the Islamic regime pic.twitter.com/2RBSn9L2pr
— Visegrád 24 (@visegrad24) March 29, 2024
Që nga shpërthimi i luftës civile siriane në vitin 2011, Izraeli ka nisur qindra sulme në Siri, kryesisht duke synuar grupet aleate me Iranin, një mbështetës i rëndësishëm i grupit militant palestinez Hamas.
Sulmet janë shtuar qëkur Hamasi kreu sulmet e 7 tetorit dhe Izraeli filloi fushatën e tij hakmarrëse për të shkatërruar grupin në Gaza. Hezbollahu gjithashtu ka lëshuar breshëri me raketa kundër Izraelit nga Libani jugor.
Ministria e Mbrojtjes tha se sulmet e reja ajrore kishin përkuar me sulmet me dronë në Aleppo të kryera nga “organizatat terroriste”, megjithëse nuk specifikoi nëse kishte pasur viktima të tjera./abcnews.al.