Deputetja nga radhët e Lidhjes Demokratike të Kosovës (LDK), Hykmete Bajrami, i ka reaguar ministrit të Financave, Hekuran Murati, pasi ky i fundit ka thënë se “Qarkullimi i bizneseve për muajt janar dhe shkurt të këtij viti, krahasuar me vitin 2023, shënon +4.8% rritje”.
Lexo më shumë: Murati thotë se qarkullimi i bizneseve për muajt janar – shkurt të këtij viti ka shënuar rritje
Bajrami e ka pyetur ministrin Murati se çfarë ka bërë për sektorin privat që, sipas saj, po krenohet me qarkullimin e eksporteve.
Ajo e ka ftuar ministrin që të përballen lidhur me këto tema.
“Në mandatin e juaj:
-Investiemt kapitale të nivelit qendror janë të njëjta me ato të vitit 2017, plus ti ke inflacion 23% në tri vitet e fundit,
-Bizneseve u është dyfyshu tatimi në pronë,
-Bizneseve u është rritë çmimi i energjisë,
-Bizneset për shkak të sanksioneve që ju e keni futë vendin e kanë pasë shumë më vështirë me i mirëmbajtë kontratat me partnerët e tyre jashtë dhe për atë arsye eksporti në vitin 2023 është për 6% me ulët se ai i vitit 2022.
-Që dy vjet e ke drejtorin e ATK-së pa mandat, të emëruarin e PDK-së në kohën e Bedri Hamzës, ministër i Financave, çka me të thanë…”, ka shkruar deputetja e LDK-së.