Kuvendi i Kosovës të hënën e gjashtë qershorit ka filluar me mbajtjen e seancës plenare, ku në rend dite është votimi në parim i Projektligjit për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale.
Kjo seancë ishte paraparë që të fillonte në ora 11:00, por për shkak të protestave të veteranëve, nuk ka mundur të fillojë në kohë.
Në këtë seancë gjithashtu është paraparë që të shqyrtohen pikat e papërfunduara nga seancat plenare, të mbajtura më 5, 11 dhe 13 maj 2022.