Ministri i Punëve të Brendshme, Xhelal Sveçla e ka përgëzuar Policinë e Kosovës, për operacionin e suksesshëm për kapjen e 20 pakove me substancë narkotike të llojit heroinë, gjatë ditës së diel.
“Përgëzoj Policinë e Kosovës për operacionin e suksesshëm që rezultoi me kapjen e 20 pakove me substancë narkotike të llojit heroinë, në vlerë 200 deri 250 mijë euro,” ka shkruar Sveçla.
Sipas tij në postimin e bërë në Facebook, ai është shprehur se ndaj krimit dhe ilegalitetit ka “luftë”.
Teksa suksesin e Policisë së Kosovës e quan dëshmi se vendi nuk është zonë sigurie as për kriminelët e as për çfarëdo lloj krimi.
“Krimit dhe ilegalitetit i kemi shpallur luftë, në veri e në jug. Ky sukses i Policisë sonë është dëshmi se Republika e Kosovës nuk është zonë sigurie as për kriminelët as për çfarëdo lloj krimi. Ndërkohë që po eliminojmë strofullat e drogës gjithandej vendit, Republika jonë po forcon gjithnjë e më shumë pikat kufitare për të ndaluar “eksportin dhe importin” e çfarëdo ilegaliteti,” ka shkruar Sveçla.
Arrestohet personi që u kap me 20 pako heroinë në vlerë rreth 250 mijë euro