Policia e Kosovës ka dhënë detaje lidhur me të shtënat me armë zjarri që kanë ndodhur dje në rrugën Llapnasellë – Graçanicë.
Lexo më shumë: Të shtëna me armë në rrugën Llapnasellë – Graçanicë
Në raportin 24-orësh, bëhet e ditur se nga një veturë e dyshuar, e cila ishte në lëvizje me shpejtësi të madhe, nga persona të dyshuar është shtënë me armë zjarri në drejtim të një veture tjetër në lëvizje, dhe pastaj të njëjtat vetura janë aksidentuar në mes veti.
“Njësiti policor ka dalë në vendin e ngjarjes ku e ka takuar të dyshuarin mashkull kosovar në afërsi të veturës së tij, i cili vullnetarisht e ka dorëzuar një pistoletë me leje”, thuhet në raportin policor.
Njësitet policore të forenzikës në vendin e ngjarjes kanë gjetur dhe konfiskuar pesë gëzhoja nga arma e zjarrit.
Lidhur me rastin janë arrestuar dy të dyshuar dhe pas intervistimit, të njëjtit me vendim të prokurorit janë dërguar në mbajtje.