Ndihmës Sekretari amerikan i Shtetit, James O’Brien, ka takuar të mërkurën me kryeministrin, Albin Kurti, të cilit i ka kërkuar përparim urgjent në themelimin e Asociacionit të komunave me shumicë serbe.
Për këtë takim ka shkruar edhe ambasadori amerikan në Kosovë, Jeff Hovenier, i cili e cilësoi si produktiv dhe theksoi se pret që, Kosova e Serbia t’i përmbushim obligimet e tyre në kuadër të dialogut.
“Kënaqësi të bashkohem me Ndihmës Sekretarin O’Brien për takimin e tij produktiv me kryeministrin Kurti. Ne presim që Kosova dhe Serbia të përmbushin të gjitha obligimet e marra në kuadër të Dialogut të lehtësuar nga BE-ja”, ka shkruar Hovenier në X.
Pleasure to join Assistant Secretary O’Brien for his productive meeting with PM Kurti. We look to Kosovo and Serbia to fulfill all obligations entered into under the EU-facilitated Dialogue. https://t.co/0Q27NVLFNF
— Ambassador Jeff Hovenier (@USAmbKosovo) April 24, 2024
Në një postim në platformën X, O’Brien ka thënë se për të ecur përpara duhet zbatimi i marrëveshjeve të arritura përmes ndërmjetësimit të BE-së.
“SHBA-ja mbështet rrugën e Kosovës drejt integrimeve euroatlantike. Për të ecur përpara, ne kemi nevojë për zbatimin e zotimeve të ndërmjetësuara nga BE-ja, duke përfshirë përparimin urgjent në Asociacionin e Komunave me shumicë serbe. Kam diskutuar hapat pozitivë të nevojshëm me kryeministrin e Kosovës Kurti sot”, ka shkruar ai në X.
Kryeministri Kurti dhe O’Brien kanë zhvilluar takimin këtë të mërkurë gjatë qëndrimit në Gjermani.