Një burrë në Fushë-Kosovë është arrestuar si i dyshuar për tentim vrasje të rëndë.
Sipas njoftimit të policisë, i dyshuari, nën ndikimin e substancave narkotike, fillimisht kishte tentuar ta joshë viktimën, gjithashtu një mashkull kosovar, për të konsumuar substanca narkotike.
Megjithatë, pas refuzimit të viktimës, ai kishte kërkuar marrëdhënie seksuale kundër dëshirës së tij.
Pas refuzimit të viktimës, i dyshuari e ka sulmuar atë me një thikë kuzhine, duke shkaktuar lëndime serioze në kokë.
Viktima është transportuar për trajtim në Qendrën Klinike Universitare të Kosovës (QKUK), ndërsa i dyshuari është dërguar në mbajtje sipas vendimit të prokurorit.
“Fushë Kosovë 05.05.2024-20:11. Është arrestuar i dyshuari mashkull kosovar, pasi që i njëjti nën ndikim të substancave narkotike, fillimisht e kishte joshur viktimën mashkull kosovar, që të konsumoj substancë narkotike, e pasi viktima kishte refuzuar të konsumoj, i dyshuari e kishte joshur (cytur) që të kryejnë marrëdhënie seksuale kundër dëshirës së tij, dhe pasi edhe kësaj here viktima kishte refuzuar, i dyshuari me një thikë kuzhine, e kishte goditur viktimën në kokë , me ç’rast i shkakton lëndime trupore. Viktima është dërguar në QKUK për tretman mjekësor, ndërsa i dyshuari me vendim të prokurorit dërgohet në mbajtje”, thuhet në njoftimin e policisë.