Udhëheqësi turk akuzon Izraelin se e ka kthyer Gazën në “burg në ajër të hapur”, pretendon se Hamasi do të dorëzonte armët për zgjidhjen e 2 shteteve, në kundërshtim me komentet e zyrtarëve të lartë të grupit terrorist.
Presidenti i Turqisë Rexhep Tajip Erdogan tha të dielën se Adolf Hitleri do të ishte “xheloz” ndaj kryeministrit Benjamin Netanyahu për ato që ai i quajti “metodat gjenocidale” të Izraelit në Rripin e Gazës, duke dyfishuar krahasimet e tij të kaluara të kryeministrit izraelit me diktatorin nazist.
Erdogan akuzoi Izraelin për shënjestrimin e civilëve, spitaleve dhe autokolonave të ndihmave, duke i vrarë qëllimisht palestinezët në enklavë dhe duke e kthyer Gazën në një “burg në ajër të hapur”, shkruan TimesofIsrael.
“Netanyahu ka arritur një nivel që do ta bënte Hitlerin xheloz me metodat e tij gjenocidale,” tha ai.
Nuk është hera e parë që Erdogan e krahason Netanyahun me liderin nazist. Në dhjetor ai tha se kryeministri izraelit ishte më i keq se Hitleri, duke tërhequr kundërakuza se ai vetë ishte fajtor për gjenocid.
Në mars, ai pretendoi se “Netanyahu dhe administrata e tij, me krimet e tyre kundër njerëzimit në Gaza, po i shkruajnë emrat e tyre pranë Hitlerit, Musolinit dhe Stalinit, si nazistët e sotëm”.